مادمت تنشد يارفيقي عن الحال ..
مالي على كتمانها عنك حيله ..
…
الصبر عن بوح الاحاسيس قتال ..
والبوح في بعض المواقف فشيله ..
…
لو كل مايطري على البال ينقال ..
ماكانت احس ان الثقيله ثقيله..
…
ابطيت اكافح ضيقة البال بالبال ..
وادفع بلا هآجوسها كل ليله..
…
لين اقبلت مثل السحابه بهمال ..
تشفي غليل اللي تزايد غليـله ..
…
رعادها خيل تدابك وتختال ..
وبراقها لمع السيوف الصقيله ..
…
طاحت والاوفق من حناياك منزال ..
وسع بضا صدرك الفيض المخيله ..
يابدر .. !!
يابدر .. !!
يابدر ..
ماني عال لو صحتي عال ..
شفني من الصدمات نفسي عليله..
…
اشيل حملٍ لو يشيلنه جبال ..
الله وامانه غير تصبح نثيله ..
…
أرمي من هموم الزمن واسحب أدبال ..
وانزل عن ( الجوكر ) وغيري يشيله..
…
من كثر ماشفت بحياتي من انذال ..
بديت اشك ان النذاله فضيله ..
…
ماطاح من عيني رجل طاحوا رجال ..
ورجال ( يابن حنيف ) ماهي قليله ..
…
اقرب من اللي قالهم ضمن ماقال ..
راكان ابن حثلين راعي الجزيله..
…
هذا ولد عمٍ وهذا ولد خال ..
وهذا صديق ماندور بديله ..
…
سبحان منهو يابدر بدل الحال ..
وحط الجفآ بين الخليل وخليله ..
…
هذا الزمن يبغاله لسان دلاّل ..
من يستحي هالوقت واعزتي له ..
…
وقتٍ به ( الراعي ) غدى راعي دلال ..
كلٍ على طاريه ,,, ينفض شليله ..
…
من كان ساسه للردى مضرب امثال ..
اليوم .. يحسب من كبار القبيله ..!!
…
المال .. يابن حنيف ملعون ابو المال ..
ذل العزيز وعز ,, ناسٍ ذليله …!!
خلف المشعان
مالي على كتمانها عنك حيله ..
…
الصبر عن بوح الاحاسيس قتال ..
والبوح في بعض المواقف فشيله ..
…
لو كل مايطري على البال ينقال ..
ماكانت احس ان الثقيله ثقيله..
…
ابطيت اكافح ضيقة البال بالبال ..
وادفع بلا هآجوسها كل ليله..
…
لين اقبلت مثل السحابه بهمال ..
تشفي غليل اللي تزايد غليـله ..
…
رعادها خيل تدابك وتختال ..
وبراقها لمع السيوف الصقيله ..
…
طاحت والاوفق من حناياك منزال ..
وسع بضا صدرك الفيض المخيله ..
يابدر .. !!
يابدر .. !!
يابدر ..
ماني عال لو صحتي عال ..
شفني من الصدمات نفسي عليله..
…
اشيل حملٍ لو يشيلنه جبال ..
الله وامانه غير تصبح نثيله ..
…
أرمي من هموم الزمن واسحب أدبال ..
وانزل عن ( الجوكر ) وغيري يشيله..
…
من كثر ماشفت بحياتي من انذال ..
بديت اشك ان النذاله فضيله ..
…
ماطاح من عيني رجل طاحوا رجال ..
ورجال ( يابن حنيف ) ماهي قليله ..
…
اقرب من اللي قالهم ضمن ماقال ..
راكان ابن حثلين راعي الجزيله..
…
هذا ولد عمٍ وهذا ولد خال ..
وهذا صديق ماندور بديله ..
…
سبحان منهو يابدر بدل الحال ..
وحط الجفآ بين الخليل وخليله ..
…
هذا الزمن يبغاله لسان دلاّل ..
من يستحي هالوقت واعزتي له ..
…
وقتٍ به ( الراعي ) غدى راعي دلال ..
كلٍ على طاريه ,,, ينفض شليله ..
…
من كان ساسه للردى مضرب امثال ..
اليوم .. يحسب من كبار القبيله ..!!
…
المال .. يابن حنيف ملعون ابو المال ..
ذل العزيز وعز ,, ناسٍ ذليله …!!
خلف المشعان
ليست هناك تعليقات:
إرسال تعليق